容楚英睇好格仔兵

    容楚英睇好格仔兵

    澳足代表隊教練容楚英表示，兩軍各有優勝之處，雖然更睇好格仔兵捧走大力神盃，不過同樣擔心克軍體能狀態，體力問題或左右克軍奪冠美夢。

    容Sir認為，法國前中後三線球星衆多，由門將羅里斯，後防華拉尼，中場簡迪、普巴，到前線基斯文，加上新星麥巴比爆發，這班球員均令法軍穩守突擊戰術發揮到極致。克羅地亞人腳較法軍平民，但整體實力唔差，後防洛夫雲、維達，中場摩特歷、拿傑迪雙核心表現亮麗，文迪蘇傑前線配合邊路的比列錫側擊，克軍擅長在控制中場，再尋找機會向對手作出致命一擊。

    總括兩軍今屆表現，容Sir更睇好格仔兵：“以兩隊今屆表現分析，決賽會比較睇好克軍，因為中場雙核表現穩定，球隊整體鬥志非常強。不過連續三仗踢足百二分鐘，平均年齡亦比法國高，體能或成克羅地亞爭冠最大隱憂。”