皇馬“大”戰巴塞

    皇馬“大”戰巴塞

    今個星期歐洲五大聯賽焦點之戰，必屬西甲國家打吡，皇家馬德里大戰巴塞羅那。打少一場領先三分的皇馬只要殺退巴塞，大致上已可重奪西甲冠軍，球隊上下一心戰意高昂。

    巴塞近期陷於低谷，上場聯賽不敵馬拉加後，跟住歐冠盃八強出局，球隊士氣大挫。今戰唯有盡力一搏，輸人唔輸陣，面子攸關，誓必與死敵硬拼一場。既然皇馬贏波即可登基，“丹爺”絕不以和為貴，主場料必採取主攻。巴塞已別無選擇，只有非勝不可，相信會合演一場對攻戰。初盤皇馬讓半球，由於兩隊“攻”力深厚兼防線欠穩，捧受讓的巴塞不敗之餘，再推介入球開“大”。

    皇馬殺入歐冠四強的確驚濤駭浪，但最緊要能夠乘勝追擊。“丹爺”近期比賽採取輪換，球員依然保持極佳狀態。相反，巴塞連場激戰，人腳並冇太大調動，一眾主力幾乎踢到精盡人亡，近期比賽速率明顯下降。不過，人爭一口氣，與死對頭埋牙，只要一息尚存也永不言敗。

    推介：和波2:2