槍手勢弱難追“月”

槍手勢弱難追“月”

    英超今輪重頭戲由阿仙奴火併曼城。阿仙奴當前目標只望爭回下季歐冠資格，但今場再度失分的話，恐怕前四不入。以球隊近期士氣，確令“槍迷”擔憂，要在曼城身上攞足三分相信不易。

    曼城歐冠出局後，“哥帥”唯有將集中力放在聯賽。不過，爭冠機會的確渺茫，“保三望二”係最實際目標。論近況曼城只畀阿仙奴好些少，要全取三分亦未必有十足把握，初盤曼城讓平手／半球，受讓兼有主場之利的阿仙奴可優先考慮。

    經過國際賽後，阿仙奴最大影響係山齊士，山長水遠由南美飛返倫敦，時差都要適應，始終“山神”在球隊陣中屬於關鍵人物。另外，近期防線確係最大問題，唔計足總盃對非聯賽一戰，近三場比賽共失十一球，防守力必須要大為改善。不過，強者對陣，都要打場爭氣波。

    曼城上場苦戰利物浦，能夠逼和紅軍都算有運。但睇到球員作戰心態、戰意及鬥心都相當頑強，係今場爭勝最大本錢，相信曼城仍可帶走一分。

    推介：和波2:2