紅牛“色”字當頭

紅牛“色”字當頭

    世界盃歐洲區外圍賽G組，西班牙與意大利毫無疑問屬出線大熱。由於首循環踢成一比一，首名之爭很大機會取決於得失球差，所以兩隊對住弱隊肯定絕不手軟。

    明晨“紅牛”將在主場迎戰以色列，除要攞硬三分外，亦會盡量爭取入球數。以色列在同組屬第三勢力，但對住歐洲一線球隊始終低一班，仲要作客西班牙，但求不要大敗。初盤西班牙硬讓兩球半，四場外圍賽已攻入十五球，攻擊力有保證，照捧“紅牛”贏波贏盤。

    紅牛主帥盧比迪古爾一向大踢進攻足球，今次重召迪亞高哥斯達在內，共有六名攻擊入選，明顯必狂轟對手。以色列近三場外圍賽全勝，暫有九分守住第三，狀態確唔錯，但三場對手都係同組中最弱，有狀態冇水準，對住高級數的西班牙確要行埋一邊。N年前踢過車路士的賓沙哈及效力廣州富力的沙希域算係球隊核心，點與紅牛拗手瓜？

    推介：西班牙四比〇