車仔勝算難“篤”

車仔勝算難“篤”

    英超車路士暫時領先第二的熱刺與曼城十分，奪冠之路越行越近，餘下賽程亦相當有利。不過天有不測之風雲，一日未手執盃耳，任何事都會發生。

    今晚車仔作客史篤城無疑被睇高一線，但唔好忘記，史篤城並非“二打六”，尤其主場具一定威力，至少車仔近兩次作客史篤城只係一和一負，史篤城決心要做攔路虎，車仔未必有十足把握取勝。初盤車路士硬讓一球，不妨博史篤城阻“車”上路。

    史篤城主場較窄小，對踢“大路波”的強隊較難適應，埋身緊迫自然比較多，係史篤城最有利之處。且陣中亦有不少高質素球員，包括迪奧夫、阿費利、祖阿倫及格連莊臣等都有一定名氣，整體實力不容忽視。

    車仔在英超連贏兩場後，足總盃亦擊退曼聯入四強。由於干地屬於穩健派，踢作客更穩中求勝，但史篤城無憂無慮會踢得更放，車仔會有失分危機。

    推介：和波1:1