曼城執死“貓”

曼城執死“貓”

    新特蘭近兩季在英超榜尾都要打生打死，上季僥倖逃出生天護級成功。不過，今季依然危在旦夕，廿六場聯賽過後只得十九分排包尾，恐怕過到初一過唔到十五。目前環境只好垂死掙扎，今晚對住爭標熱門之一的曼城，“黑貓”要搶分認真超難。

    踢少一場少車路士十一分，曼城爭冠機會比較渺茫，當前最緊要保住前四位置，今仗對陣戰鬥力有限的“病貓”新特蘭，三分志在必得。初盤曼城讓一球／球半，近三場聯賽取得連勝兼攻入八球的曼城，有信心贏波贏盤。

    曼城餘下賽程仲要對曼聯，利物浦及兩場作客對阿仙奴與車路士，所以曼城對住下游球隊絕對不容有失。球隊狀態已逐漸回勇，哥帥定必排出最強人腳，特別上仗足總盃表現搶鏡的阿古路，有望繼續正選，夥拍謝薩斯組成最強攻力，誓必攻破對方大門。

    新特蘭聯賽兩連敗兼失六球，防守能力相當脆弱，要頂住強大火力的曼城，死守都冇用。

    推介：曼城3:1