西維爾打“包”     目前西甲前三位都有機會爭奪冠軍，皇馬與巴塞仍佔據前二。今季能挑戰兩支擂台躉嘅係西維爾，呢支踢法極具效率兼侵略性的球隊，絕對以實力取勝，只要保持穩定發揮，今季應可坐硬前三，要繼續威脅兩大豪門，明晨主場迎戰畢爾包非勝不可。     畢爾包暫排第八，仍有機會爭踢歐戰，不過主客表現分別很大。聯賽十一場作客僅兩勝兩和七負入七球，是作客入球數最少一隊，最大忌係輸盤最多。今仗對住主場戰績僅次於皇馬的西維爾，畢爾包難逃一敗。初盤西維爾讓半球／一球，捧西維爾“畢”勝無歸。     西維爾近四戰全勝，最主要係球員表現穩定，加上實而不華踢法係最大贏波本錢。畢爾包已七場作客未贏過兼三連敗，作客信心明顯不足。西維爾已連續三次不敵畢爾包，今次係復仇大好良機。     推介：西維爾三比〇