李斯特城爆“浦”     英超今期最爆新聞，當然係李斯特城炒主帥雲尼亞里，原因球隊面臨降班威脅。雲帥上季雖帶領狐狸神奇勇奪英超冠軍，但現實始終殘酷，特別在英超，冇貨交就冇得留低。     李城目前身陷險境已跌落降班區，護級形勢告急，明晨火併利物浦已冇得選擇，只能全面搏殺搶分。海鮮波的利物浦果然遇強越強，上仗又踢出高價波擊敗熱刺，令前四爭持更激烈，不過對住弱隊經常發波瘟，之前輸過畀史雲斯與侯城兩支護級分子，足總盃更被英冠球隊淘汰，真係估佢唔到。今仗作客“發窮惡”的李城，紅軍難勝券在握。初盤利物浦讓一球，捧狐狸迴光返照，至少搶一分。     狐狸真正實力根本並非勁旅，今季仲要踢埋歐冠，確令英超戰績大幅下跌。但紅軍反覆表現又令捧場客信心不足，唯有捧受讓的李城。     推介：和波2:2