車仔衝上“雲”霄

車仔衝上“雲”霄

    車路士上仗被般尼逼和痛失兩分，暫以八分領先次席的曼城，仍未安枕，一日未拉開至少十分都有變數，要鞏固榜首。今晚主場迎戰下游的史雲斯，必派最強人腳，誓要全取三分。

    史雲斯近況回勇，近四戰曾擊敗利物浦、修咸頓及上季英超冠軍李斯特城，只係不敵曼城，排名已升上十五位。不過僅領先降班區的侯城四分，仍未正式脫離危險，每仗要繼續搏命搶分。但作客史丹福橋球場肯定難踢，近四次作客只得一和三負，今仗要攞一分亦未必容易。

    初盤車路士讓球半／兩球。車仔係英超主場最勁兼入球最多，十二場攻入卅三球；史雲斯係失球最多一隊，廿五場失五十四球。一隊火力最強，一隊防守最差，車仔要入兩球並非太難。況且迪亞高哥斯達要爭神射手，加上柏度同樣狀態十足，捧車仔至少可執半個盤。

    推介：車路士3:0