拉斯主場做“蘇”

拉斯主場做“蘇”

    睇到明晨賽程有場西甲，拉斯彭馬斯對皇家蘇斯達，又係出手時間。因為實在太鍾意拉斯彭馬斯踢主場，一支在自己地頭發揮特別醒神嘅球隊，值得推介。

    名次上，皇蘇排於前列第五位，屬於一支實而不華嘅球隊，但對住主場表現極佳的拉斯彭馬斯，皇蘇未必能夠佔到優勢。初盤開出只係平手，證明“大莊”又點會死錯人。

    拉斯彭馬斯今季聯賽十二個主場只曾一敗，僅上仗一球不敵西維爾，然論攻門次數及中目標射門，拉斯彭馬斯都多於對手，贏勢輸波無話可說。值得一提的是，球會在一月份引入兩名強援，從巴黎聖日門借用前皇馬球星謝斯，以及克羅地亞超新星夏利奴域，將與奇雲保定組成進攻三叉戟，今戰絕對有力殺退皇蘇。

    皇蘇暫時少第四位的馬體會四分，仍有機會博上位，只不過球隊表現時好時壞，狀態忽上忽落，近五戰兩勝三負，且屬於一支欺善怕惡嘅球隊。雖然拉斯彭馬斯並非強者之列，但呢支“島霸”球會仔勝在惡到出汁。

    推介：拉斯彭馬斯2:1