韦斯咸冇断“古”

今日拣场欧霸盃附加赛首回合推介畀大家，由英超韦斯咸对罗马尼亚球队阿斯特拉吉尔古争入分组赛。

阿斯特拉吉尔古係上季罗甲联赛冠军，惜今季有多名夺冠功臣离队，战斗力减弱，之前踢欧冠盃资格赛被丹麦的哥本哈根踢出局，转战欧霸盃就要对住英超实力派韦斯咸，以目前人脚及双方联赛水平，阿斯特拉吉尔古要突围未必容易，今战只望凭住主场之利，望能与“鎚仔帮”拉成均势。

从韦斯咸上季在英超表现，绝对係一支含金量十足球队，阵中国脚级人马如皮耶特、高耶迪、菲治侯利等都极具份量。英超开锣战作客史丹福桥，完场前被车仔绝杀确心有不甘，唯有在欧霸盃发难。其实两队去年亦曾在欧霸盃碰头，结果“鎚仔帮”被对手淘汰出局，今年咁啱又再仇人见面，誓要有仇报仇。

阿斯特拉吉尔古今季实力削弱，韦斯咸战力有增无减，初盘韦斯咸让半球／一球，捧“鎚仔帮”首回合可先拔头筹。

推介：韦斯咸1:0