曼城一球“勒”住

上季英超“阿四”嘅曼城明晨展开欧冠盃之旅，附加赛首回合将作客布格勒斯特星队，星队只係布格勒斯特队名，讲星级球员指数，当然不及曼城，球员平均质素与整体实力亦在曼城之下，否则“大围”又点会开出初盘曼城要让一球／球半，摆到明睇好曼城冇得输。不过，唔好忘记波係圆嘅，何况口係人哋地头，曼城要赢两球才有纯利，感觉有风险，随时又係赢波输盘，不妨小敲布加勒斯特星队至少可执半个盘。

曼城在英超首战能全取三分，多得新特兰完场前乌龙送礼，否则“哥帅”第一炮都打唔响。以曼城表现，又唔係踢得太差，尤其新加盟的史东斯与洛尼图都踢出身价，其他主力亦发挥水准，整体配合与进攻效率相当清晰，只係欠缺攻门准绳。踢完新特兰就远征罗马尼亚，球员未必能发挥到最佳状态，况且次回合返主场，睇定嚟食都未迟。

星队在罗甲属于传统劲旅，有一定实力，只係水平逊于英超，但开季状态十足，近四场全胜，士气搭够，未必输得晒畀曼城。

推介：曼城2:1