新星對辦多蒙特大有斬獲

多蒙特新帥杜曹一向被視為高普師弟，幫高普接手緬恩斯後，依家又接手埋「蜜蜂軍團」。杜帥仲好有高普嘅影子，同樣充滿激情，另外佢喺發掘潛質新星亦有一手，上場德甲開咧戰派出年僅19歲嘅祖利安韋高出任防中，夠晒大膽，事實證明杜曹眼光唔錯，韋高令前線人員可以放膽進攻。今晚歐霸盃附加賽首回合，多蒙特作客挪超球隊奧特足球會，讓球客勝得1.46倍，不如博下大盤好過，入球大細中位數去到3.5球都照撐！（周五凌晨2時30分開賽）

杜曹激情注入蜜蜂軍團
多蒙特德甲開咧戰大炒上季「三哥」慕遜加柏4比0，「男神」馬高列奧斯先開紀錄，跟住就輪到奧巴美揚入波，最尾米希達利恩入多兩粒埋齋，呢班「蜜蜂仔」每入一球，杜曹都會激動大嗌，又或者向球員鼓掌歡呼，真係唔話佢係高普接班人都唔得。「蜜蜂軍團」依家士氣大振，作客實力差一截嘅奧特足球會，梗係要入得幾多得幾多！

挪超球會踢法一向都係有前冇後，大家見到奧特足球會過去8場有7場係開出入球大就知，今場對住多蒙特先嚟防守？班球員都未必適應啦！奧特兩位前鋒阿卡比爾斯及奧斯恩近兩場聯賽都取得入球，今場一於博大盤啦！