賓福特追和好路 上季於升班附加賽出局嘅賓福特，今季志切捲土重來，而且大部分主力如安達格雷、奧度巴祖、森桑達斯等都留隊，被視為「衝超」熱門之一。不過連同英甲賽事在內，賓福特已經連續3季喺開咧戰打和，而且全部開細盤，聽日佢哋主場硬撼實力分子葉士域治，再和唔奇。 至於近年喺英冠浮浮沉沉嘅哈特斯菲爾德仲衰，近3季首輪賽事均輸波收場，仲要場場吞蛋唔多老利，嚟緊開咧戰要作客剛從英超降班嘅「老虎」侯城，以佢哋出閘脫腳嘅慣性，真係凶多吉少。