水晶宮添卡比耶更上層樓 水晶宮上季中由柏杜接手後演出脫胎換骨，最後以近年最佳成績第10名過終點，表現令人喜出望外。柏杜買人重質不重量，新兵全部極具質素，由巴黎聖日耳門回流英超嘅卡比耶以往喺紐卡素同柏杜夾慣夾熟，絕對有力幫自己或球隊更上一層樓。 另外由新特蘭加盟嘅前鋒域咸係英格蘭U21國腳、車路士借將班福特就係上季英冠最佳球員，都係實而不華之選，配合賓捷安、韋費特沙夏、積甸拿克等原有班底，可為球迷帶來更多驚喜。