捧皇馬大“熱”勝出

捧皇馬大“熱”勝出

在中國站奪得國際冠軍盃後，皇馬繼續展開熱身賽，今晚將會與英超實力分子熱刺進行拍跳。以兩隊人腳比較，“銀河艦隊”無疑在對手之上，只要認真比賽，皇馬拔“刺”應該話咁易。

熱刺在亞洲之旅分別擊敗馬來西亞選手隊與悉尼FC，雖然兩場對手都並非太強，但都只能一球僅勝，至於第三場對住美職聯明星隊以一比二落敗，總括三場波表現發揮一般，可能剛開操關係，今場對住實力超群嘅皇馬，熱刺實在難以發圍。初盤皇家馬德里讓一球 / 球半，“銀河艦隊”可以“熱”捧。

皇馬在四場熱身賽中，祇有三位球員係必然正選，C朗、巴利及門將拿華斯，“肥賓”明顯繼續測試其他球員嘅配合效果，但戰術上，球員似乎仍未適應“肥賓”嘅部署，特別在鋒線上嘅進攻模式；不過，皇馬陣中球星勝在夠質素，個人突破能力相當強，要贏熱刺冇問題。

熱刺暫時引入四名球員，但只有比利時國腳韋列特較有份量，而前鋒線有蘇達度與艾迪拜約離隊，實力有減無增，更難與皇馬抗衡。

推介：皇家馬德里3:0