三箭火猛炸船

日職今周開快車，榜首廣島三箭作客鬥神戶勝利船。三箭上周贏波後，次循環開咧4戰全勝狀態甚弗，今場面對近9仗主場賽事未贏過嘅勝利船，以三箭近期強勁嘅火力相信有望再贏一仗，阿King捧客勝。（有線61及201台周三晚6時直播）

三箭上仗主場兩球輕取橫濱水手，射手戴恩費斯杜格拉斯梅開二度表現搶鏡，球隊今季攻擊點甚多，除杜格拉斯外，佐藤壽人、柏好文等同樣已經射入兩球，令對手防不勝防。三箭今仗雖仍有後衞鹽谷司同中場柴崎晃誠唔踢得，但兵源充足下有力再下一城。

勝利船上仗輸畀關西死敵大阪飛腳，對球隊士氣有唔少影響，球隊現時雖排聯賽榜第4，但最大隱憂係主場唔識贏波，自4月12日贏甲府風林後，球隊已連續9仗主場未贏過。勝利船今仗有後衞相馬崇人停賽，左閘高橋祥平同前鋒柏度祖尼亞亦未必踢得，實力削弱加上「主場魔咒」，相信凶多吉少，阿King捧三箭可再贏一場。

東京冇男神難發「維」
另一場直播波FC東京主場對仙台維加泰，FC東京自「男神」武藤嘉紀離隊後火力下降，雖然新加盟尼敦般斯上仗取得加盟後首個入球，但始終要時間融入球隊，今仗更有後衞高橋秀人停賽，兵微將寡下面對只有威爾遜洛迪古斯一位長期傷兵嘅維加泰，唔係咁易贏到，維加泰讓球客勝諗得過。（有線64及203台周三晚6時直播）