曼城最驚“皇”氣

曼城最驚“皇”氣

    今晚有一場重量級友誼賽，英超豪門曼城與西甲班霸之一嘅皇家馬德里，在澳洲展開一場牙骹戰，相信雙方都會精英盡出，合演一場對攻戰。講到攻防方面，皇馬攻擊線始終較具殺傷力，防守亦比較穩固，今場友賽應可睇高半線。

    計埋上場對羅馬，曼城已展開三場季前熱身賽，戰績係兩勝一和。頭兩場對住實力毫無威脅嘅多倫多FC與墨爾本城，可能人腳陣容不整，祇能一球小勝對手。上場對住意甲“老二”羅馬踢成二比二，好明顯球員狀態依然未操足。中前場發揮尚算可以，但後防出現兩球失誤，反映防線有唔少弱點出現。今仗對住攻力比羅馬更具威脅力嘅銀河艦隊，恐怕難保不失。

    皇馬第一場開操又係對住羅馬，結果兩隊互交白卷，但唔代表銀河艦隊前線死火。始終C朗、巴利、賓森馬及新星謝斯，以及後上嘅卻奧斯與摩特歴等都係一級危險人物，一係唔爆發，一爆必殺格。此外，“肥賓”執教皇馬首戰未能旗開得勝，今戰誓必揾英超球會“攞彩”。

    推介：皇家馬德里3:1