美國“買”得過

美國“買”得過

美洲金盃賽明早上演四強戰，東道主之一嘅美國先打頭陣，對住鬥心兼拼勁十足嘅牙買加，將會受到較大威脅。不過，美國近三次對賽都能夠剝“牙”成功，以美國嘅實力，祇要踢出應有水準，殺入決賽機會依然可以睇高。

牙買加首戰與哥斯達黎加激戰成和，跟住連過三關殺到入四強。牙買加整體發揮的確相當穩定，但實際三場波嘅對手並非強橫，只係僅僅熟一球險勝，今仗對住爭冠熱門嘅美國，牙買加肯定相當難踢。初盤美國讓一球，祇要踢出上仗霸氣，美國戰隊應可再下一城。

美國上場終於似樣，以六球大炒古巴，重現爭標強勢。頭號射手丹普西連中三元，以六球企硬神射手一哥之位，腳風順到不得了。整隊狀態亦已開行“摩打”，誓必狂攻對手。

牙買加人腳並非太過突出，但勝在夠平均，且戰意十足，惜確實輸質素。加上往績明顯處於下風，心理素質方面同樣輸蝕。預料採取穩守突擊踢法，但求力保不失，望能先捱過九十分鐘。

推介：美國2:0