紅軍繼續“萊”料

紅軍繼續“萊”料

    利物浦亞澳之旅第三戰，繼續與“袋鼠國”球隊切磋，今仗對手係上季澳職聯排“阿三”嘅阿德萊德聯，以紅軍頭兩場嘅積極表現，應可取得季前熱身賽三連勝。

    阿德萊德聯雖佔有地利，不過球隊仲停得耐過利物浦。自從上季聯賽煞科後，對上一場友賽已經係五月尾，足足有個半月未有比賽，班球員度假返嚟都未“回魂”，根本毫無狀態可言。況且整體實力又低於紅軍，今場唯有輸少當贏。新一季澳職聯賽起碼仲有兩個月先開鑼，阿德萊德聯肯定未開操，誇張啲講句，真係搵邊個踢都未知，又點同寓賽於操嘅紅軍比拼？

    紅軍首場熱身賽大炒泰國明星隊四蛋，雖然對手的確比較弱，但睇到一班球員嘅比賽認真態度。原因係球隊競爭性比較大，相信都要為爭正選之位而盡力表現，尤其幾名新加盟球員，包括奧歴治、占士米拿、基連及高美斯等。今場對住實力低一班兼人腳不整嘅阿德萊德聯，一向要“威”嘅羅渣士又點會留手，最少贏兩球冇走雞。

    推介：利物浦3:0