隊長百戰騷諾高平攞彩

今日瑞典超上演前列大戰，由「三哥」諾高平主場挑戰榜首球隊哥登堡，今場亦屬主隊隊長安迪亞斯祖漢臣嘅大日子，因為係佢替諾高平上陣第100場比賽，佢自己及球會上下當然想以贏波作紀念，而且假如呢場獲勝，仲可以追到同哥登堡同分，必博啦，諾高平小讓平半上盤抵玩。（周日晚9時開賽）

安迪亞斯祖漢臣2012年加盟諾高平，踢咗3季半，球隊呢段期間踢咗105場聯賽，佢只係因家庭問題缺席過幾場，其餘全部踢足90分鐘，今場係佢為諾高平出戰第100場，當然以勝利為紀念就最好啦。

主隊地頭出擊6連捷
事實上，諾高平近況不俗，尤其係主場出戰更加戰績彪炳，錄得6連勝，乘勇撞正爭標對手更係想斬多四両。哥登堡剛作客波蘭出戰歐霸盃首回合，同對手施拉斯克踢成0比0，先唔講會唔會留力次回合，只計休息時間都比諾高平短。諾高平今場只要擊敗哥登堡就追到同分，對爭標好有利，綜合種種原因，諾高平讓平半呢個上盤真係不容錯過。