紅軍難劏“獅”

紅軍難劏“獅”

    今日介紹場“公餘場”畀大家，開波時間係下午四點四十五分，由布里斯本獅吼與利物浦上演一場季前熱身賽。

    “獅吼”一向都係澳職聯勁旅級球會，近四季奪得三次總冠軍，可惜上季大走樣，亞冠盃在分組賽亦已出局，唯有積極備戰新一季聯賽開鑼。球隊中擁有唔少好波之人，包括來自巴西嘅施華與德國布萊治兩名核心外援，另外麥基、沙洛達、路斯迪卡、普連斯及門將天奧基圖斯等亦曾在歐洲聯賽搵食，整體戰力唔差得去邊。上月曾友賽西甲實力派維拉利爾，結果以三球大勝，證明呢支澳洲勁旅絕對不能睇低。雖然與利物浦比較始終仍有差距，但在自己地頭出戰，以逸待勞，相信對紅軍亦有一定威脅。

    紅軍在泰國以四球大勝明星隊，球員發揮的確唔錯，但事實上只係對手較弱問題，今場對住具一定實力嘅“獅吼”，未必會踢得咁輕鬆。加上馬不停蹄飛到“袋鼠國”，舟車勞頓兼休息時間唔多，況且友賽性質，未必會排出最強人腳。

    推介：和波2:2