個人魅力幫國家隊洗底 哥斯達黎加上年世界盃歷史性殺入8強，不過當時領隊路爾斯賓圖其後畀足總逼走，據聞幕後黑手就係今年2月上任嘅名宿雲祖柏，加上足總主席伊度亞度?李?山齊士因涉及國際足協醜聞被捕，雲祖柏希望藉美洲金盃，一洗近期國家隊負面形象。 雲祖柏舊年係路爾斯賓圖助教，能夠喺哥國足總「糖心風暴」跑出，某程度係靠佢嘅個人魅力贏得足總同國家隊球員支持，而且獲得隊長拜仁雷斯力撐，令佢擔當精神領袖，球隊亦變得團結。 一代射手傳授攻門秘笈 7月尾就38歲嘅雲祖柏球員年代効力過打比郡、韋斯咸同曼城，入波無數，雖然佢上任後執教咗5場，哥斯達黎加只得2和3負，但表現一場比一場進步，相信雲祖柏加緊傳授攻門秘笈畀班徒弟，喺金盃或者會帶嚟驚喜。