哥登堡和客「斯」人醒 哥登堡作客都可以做到瑞超嘅大熱門，原因非常簡單，就係佢哋喺近8戰足足贏過7場咁多，勝率咁高遇到辛斯華爾梗係要捧佢哋再贏落去啦。 不過，要小心佢哋上輪作客哈馬比要攻到去尾段先有波入，而前一次作客咸史達斯亦都出現類似情況，睇嚟呢隊瑞超一哥夠晒慢熱，都係咪捧其他盤口，齋要一瓣「和客」就算數嘞。（周日6，香港時間周日11:30pm開賽） 同一時間赫根以下犯上，喺主場挑戰希爾星堡，睇番佢哋由5月尾開始已經連續4場波都未贏過，話晒對手都係實力唔錯嘅希爾星堡，本身真係唔敢睇得佢哋太高，不過留意目前主勝賠率嚴重偏熱，讓球甚至要讓到半、一咁辣，似乎有啲計仔！（周日4，香港時間周日11:30pm開賽）