波特蘭伐木者必「聖」   波特蘭伐木者上周美職雖然輸波，不過原來單計主場，佢哋已經取得4連勝，所以呢支地頭蟲今日喺主場對聖荷西地震，絕對有力全取3分，足智彩開讓球主客和，搏波特蘭伐木者開2.45倍「讓主」。（周日14，香港時間周一11:00am開賽） 無可否認，波特蘭伐木者作客真係幾水皮，不過佢哋喺主場已經連勝西雅圖海灣者、侯斯頓戴拿模、新英倫革命同埋華盛頓聯隊，當中有3場係淨勝對手兩球或者以上開「讓主」，主將費蘭度亞迪又「士哥」頻頻着晒火，真係點到你唔服。 聖荷西地震啱啱喺美聯盃不敵洛杉磯銀河，多少都影響球隊士氣，加上球隊表現飄忽，作客成績又唔算突出，今仗想有分落袋都幾難，咁嘅環境就梗係捧波特蘭伐木者啦！