海灣者「聯」手開和局  其實睇見西雅圖海灣者喺美聯盃都要輸波就知道佢哋近況認真麻麻，果然打後喺美職都毫無表現，不過今次佢哋返回自己地頭又唔敢睇得佢哋太死，對住華盛頓聯隊吼和。（周五5，香港時間周六11:00am開賽） 美聯盃一向都係練兵場合，點知海灣者竟然不敵波特蘭伐木者，打後對住地震、費城聯，同埋波特蘭伐木者都係輸波而回，最致命嘅係佢哋喺近4戰只係入到2球波咁大把，唔只丹普西有成個半月未入過波，首席射手馬田斯亦係好靜，再出唔敢對佢哋有乜期望，可惜作客嘅華盛頓聯隊近況亦係平平無奇，對比番近4場波亦只係入到4球，唔好忘記作客仲要打折，換言之攻力只會更弱，明顯兩隊波都冇乜睇頭，見到呢類對碰最好都係吼實和局。