唔好因為侯斯頓戴拿模喺西岸排到尾二就睇低佢哋，事實上佢哋只係唔識作客，近期喺主場已經連開4W，應該可以食硬由東岸遠道而來嘅芝加哥火燄！（周五4，香港時間周六9:00am開賽） 睇番戴拿模呢4W所贏嘅對手，除咗喺美聯盃擊敗弱旅奧斯丁阿迪斯好似有些少「水份」之外，贏到波特蘭伐木者、紐約紅牛，同科羅拉多急流都算係貨真價實，似乎佢哋返回主場都幾有把握，純粹係因作客成績太差先搞到喺西岸排到尾二。再睇埋作客嘅火燄近期就只係贏過一隊夏洛特獨立咁大把，近況已經咁冇睇頭，偏偏今季美職作客7戰只係和過2場、輸成5仗咁多，要由東岸去到西岸比賽就更加冇爆冷嘅把握，左計右計主勝都可以穩開。