甘美奧主場勝算「高」

甘美奧主場勝算「高」

巴西國家隊喺美洲國家盃提早出局搞到一眾國民唔太高興，不過一眾巴甲球隊可能陰陰咀笑緊，事關一班國腳可以歸隊繼續搏殺，特別係甘美奧條防線終於齊腳，主場迎戰高士路就更加得心應手。（周三9，香港時間周四9:00am開賽）
有傳巴西係因為病毒問題搞到喺美洲盃提早出局，不過有睇場比賽都知道發生乜事啦，總之佢哋提早玩完都唔使感到可惜，話唔定甘美奧仲開緊香檳添，事關佢哋位正選門將馬些路哥希可以正式歸位，幫手睇實防線。不過甘美奧近期連贏帕拉尼恩斯、彭美拉斯，同埋艾華爾，靠嘅並唔係防守，而係中前場個個都正值大勇之境，曾經效力過迪尼普嘅古利安奴回歸巴甲之後，愈越嚟愈有威脅，亦唔好忘記佢哋近季都係主場特佳，唔使顧住條防線可以放膽大攻特攻。

彭美拉斯鬥志「高」昂

另一隊靠晒主場搵食嘅彭美拉斯亦冇走樣，好似上輪巴甲就喺自己地頭以4:0大炒實力唔錯嘅聖保羅，亦喺月中贏過富明尼斯，既然主場威力冇減退到，對住排名差唔多嘅查比高恩斯值得睇高一線。（周三6，香港時間周四8:00am開賽）