撐利斯菲衝出「國際」

撐利斯菲衝出「國際」

高踞巴甲榜首嘅利斯菲體育會開咧後9戰不敗強勢持續，今仗喺主場面對國際體育會，3分應該可以手到拿來，難得足智彩有讓球盤提供，利斯菲體育會少讓平手、半球，上盤可搵客軍「際」旗。（周三1，香港時間周四6:30AM開賽）
利斯菲體育會喺巴甲開咧後9戰不敗，連埋巴西盃在內更加係11場未輸過，列希利、安德菲臘比、雲達爾同埋馬干列迪等主將狀態大勇，而且迪亞高蘇沙安達迪已經傷癒，今日可派遣最強陣容撲擊對手，勝算自然高唱入雲。國際體育會上周以1:0險勝山度士，表現唔夠說服力，加上之前悶和費古倫斯0:0，另外不敵哥連泰斯，單計巴甲作客成績已累積5場不勝，換言之今季離開主場就未贏過，試問面對榜首利斯菲體育會邊可能偷雞，所以主隊讓平手、半球捧上盤冇錯。

華斯高大勝「爾」成定局

另外榜尾一族嘅華斯高剛剛贏波撥亂反正，今日喺主場迎戰艾華爾，有力全取3分攀升更高位置，畢竟客軍艾華爾近3戰未嘗一勝，華斯高只要踢出上場擊敗法林明高嘅水準，開「讓主」唔成問題。（周三2，香港時間周四6:30am開賽）