瑞典U21實「牙」實齒

瑞典U21實「牙」實齒
 
不經不覺，U21歐洲國家盃已經嚟到冠軍爭奪戰，坦白講，兩支決賽球隊瑞典U21同埋葡萄牙U21都並非最初嘅捧盃熱門，晉級路頗具冷味，既然係咁，就不如繼續吼冷門，搏瑞典開4.65倍主勝！（周二1，香港時間周三2:45am開賽）
其實足智彩係有讓球盤提供，葡萄牙U21要讓平手、半球，不過瑞典U21喺晉級路上只係和過1場，睇嚟佢哋係好擅長喺90分鐘內分出勝負，最重要係瑞典的確愈踢愈好，4強戰以4:1大勝丹麥更加係代表作，須知道丹麥有車路士中堅安達斯基斯甸臣同埋阿積士正選前鋒費斯查助陣，但瑞典都可輕鬆過關，而呢支北歐兵團嘅大軍名單中，可以見到慕遜加柏前鋒希哥達、前曼城年輕球員達迪、燕豪芬中場希積馬克，同埋比錫達斯後衛阿歷山大米洛斯域，佢哋年紀輕輕已經喺所屬球會擔正，真係唔可以睇小。

葡萄牙演出太飄忽

葡萄牙U21嘅勢頭其實有過之而無不及，4強以5:0大炒熱門球隊德國U21就令人跌眼鏡，不過留意佢哋嘅演出非常飄忽，3場分組賽當中，只係試過以1:0險勝英格蘭，當時葡萄牙全場處於劣勢，而對同組最弱嘅意大利，同埋今場決賽對手瑞典亦只係打和，要怪就怪葡軍陣中球員，喺所屬球會只係長居後備或踢緊預備組，故此大賽經驗同埋心理質素點都會差啲，反正今屆U21歐國盃頻頻爆冷，不如搏瑞典直接開4.65倍主勝啦！