捧札幌岡薩多好「分」

捧札幌岡薩多好「分」

其實除咗聽朝早有場美洲國家盃準決賽，下晝仲有場日乙畀大家贏錢儲吓子彈；主隊札幌岡薩多近期明顯穩定番好多，而大分三神換完教頭都係冇乜起色，一來一回就知道邊隊波幫到手搵真銀啦。（周一1，香港時間周一6:00am開賽）

唔少低潮球隊一換領隊就見到轉機，可惜呢隊大分三神換上柳田伸明之後依然冇乜起色，好似上輪日職就喺主場不敵千葉市原，再之前作客金澤薩維根亦喺半場領先嘅大好形勢之被對手追和，睇嚟呢隊排緊22位嘅護級份子係得咁多料到，偏偏喺呢個關鍵時刻傳出射手艾雲度施華因為個人問題可能會被雪藏，想脫離降級漩渦恐怕要畀啲耐性。
反而札幌岡薩多近期愈踢愈有，由5月中計起已經連續6戰未輸過波，前鋒荒野拓馬喺呢個時候宣布復出，另外名將小野伸二隨時能夠以正選身份睇實條中場線，之前眾多嘅不利因素喺呢一個月內一掃而空，呢排明顯由衰轉盛，所以主勝得番1.83倍並唔係無的放矢。