櫪木SC和局贏面「大」

櫪木SC和局贏面「大」 

大阪櫻花上輪日職以一場勝仗嚟到送別隊中球星科蘭，不過佢哋一早就喺上半場中段領先德島漩渦，打後仲有成60至70分鐘咁多畀佢哋再入多球，但都唔能夠贏盤令人失望，賽後有消息話佢哋仲未搞掂前鋒卡保利，另一位前德國國腳卡卡奧亦都離隊他投，真係擔心佢哋前線會唔夠人用。
可惜主隊櫪木SC想偷襲搶分都唔係咁易，一嚟佢哋嘅主場成績唔係咁靠得住，由4月中開始主場近7戰僅取1勝，二嚟隊中射手阪野豐史實在太唔穩定，往往要靠中場中美慶哉入波，兩邊都冇乜贏波板斧撐和。（周日6，香港時間周日5:00pm開賽）
同一時間長崎成功丸近期表現明顯下滑，由上個月尾開始連續4場日乙都係失分，不過今次面對住福岡黃蜂除咗有主場幫手之外，南韓前鋒李勇宰亦都由國家隊歸隊，有晒所有有利條件扭轉頹勢。（周日8，香港時間周日5:00pm開賽）