彭美拉斯「聖」券在握

彭美拉斯「聖」券在握 
     
巴甲賽事連場，當中彭美拉斯嘅巴西U20小國腳已經歸隊，實力回復完整，今仗於主場對聖保羅有權攞晒3分，足智彩開讓球盤，彭美拉斯少讓平手、半球，買上盤有2.02倍真係「聖」在有分頭。（周日19，足智彩周一3:00am網上文字直播）
彭美拉斯年輕球員包括加比爾捷西斯同埋祖奧柏度，為巴西U20完成世青盃賽事後已經重新歸隊，而且射手柏保路莫治亦已徹底克服傷患，今仗勢必擔正，令彭美拉斯實力點復完整。聖保羅有卡亞迪斯、丹尼爾哥利亞、連拿度文路爾同埋老牌門將羅渣里奧全部因傷缺陣，前中後三線嘅實力都受到削弱，難阻主隊開上盤報捷。

山度士作客「體」住食

國際體育會對山度士一仗睇好客軍，因為國體會有大量球員受傷，山度士可以趁火打劫開出1.8倍「讓客」。（周日22，香港時間周一5:30開賽）
另外，華斯高對法林明高一戰可捧客軍，因為主隊有正選中堅盧恩泰施拿停賽，相反地，法林明高中場查查同埋左閘佐治馬高為巴西U20服役後已歸隊，陣容完整之下，受讓平手、半球下盤穩陣。（周日23，香港時間周一5:30am開賽）