伐木者大展鴻「圖」

伐木者大展鴻「圖」 
     
西雅圖海灣者最近失準，雖然仍暫列美職西岸榜首，不過已經優勢全無，是役作客主場特醒嘅波特蘭伐木者，睇嚟失分機會相當高，所以足智彩開讓球盤，可捧波特蘭伐木者讓半球、一球上盤。（周日24，無綫網絡電視301頻道周一7:00am直播）

波特蘭伐木者上周慘負洛杉磯銀河0:5，全因列治維被逐，球隊10人應戰下招致大敗，雖然呢位球員今仗要自動停賽，但係波特蘭伐木者今屆主場特別醒，近3次主場出擊全勝，包括擊敗侯斯頓戴拿模2:0、新英倫革命2:0，同埋華盛頓聯隊1:0，尼日利亞前鋒費蘭度亞迪入球停不了，另一位阿根廷外援烏魯迪亦頻頻取得「士哥」，佢兩個合拍攻堅效果非常好。
西雅圖海灣者近況差，已經接連不敵聖荷西地震同埋費城聯，加上早前喺美聯盃亦試過同波特蘭伐木者交手，不過90分鐘只係踢成1:1，加時輸埋1:3，故此西雅圖海灣者球員嘅信心同士氣都係麻麻，，今仗難阻波特蘭伐木者開上盤。
另外，紐約城對住紐約紅牛呢場打吡戰亦好矚目，兩隊位列東岸中游，雙方都有必要搶分，戰況精彩可期，不過紐約城近5戰取得3勝2和不敗，相對上令人有信心，平手盤屠「牛」應該可以如願。（周日21，香港時間周一4:30am開賽）

紐約城打吡戰屠「牛」

紐約紅牛明顯主強客弱，佢哋上周喺主場擊敗皇家鹽湖城1:0，不過計作客就連負侯斯頓戴拿模同埋西雅圖海灣者，呢兩場比賽分別失咗6球咁多，所以離開主場就買佢哋對家比較穩陣，何況足智彩開平手盤，買紐約城可謂立於不敗之地。