兩“巴”相爭心有所“圭”

兩“巴”相爭心有所“圭”

    美洲盃四強最後一席位，明早將由巴西與巴拉圭爭奪。巴西貴為爭標熱門之一，今場當然係被睇好一隊。不過，“森巴兵團”在三場分組賽同樣欠缺霸氣，核心球星尼馬罰停賽四場，即使入到決賽，“馬仔”都要做觀衆。冇咗尼馬，前線攻力冇影響就假。

    講球員名氣，巴拉圭當然不及巴西，但講到鬥心，巴拉圭的確要畀個“讚”，對住阿根廷落後兩球，依然死拼爛拼，最後更能迫和頂頭大熱。最後一戰對住烏拉圭同樣拼勁十足，搶得一分，呢種拼搏精神，經已值得支持。

    今仗與巴西對決，巴拉圭未到最後一刻，肯定都會戰鬥到底。初盤巴西讓半球／一球，近四次對賽各得一勝兩和一負平分秋色，一於博巴拉圭殺盤。

    巴西贏秘魯與委內瑞拉都較為驚險，只係一球僅勝，你話“勒”住贏都唔信。仲有係巴西三場波都有失球出現，防線唔穩得去邊，隨時被對手反擊成功。捧巴拉圭唔單只球隊充滿鬥心，最重要係三場波都能夠殺盤，而巴西半個盤都未贏過，唔到你唔信邪。

    推介：和波1:1