德國女足「法」號施令

德國女足「法」號施令
   
其實德國女足早喺上個月中就贏過法國女足！冇錯雙方對上一次交手已經要數到去2014年，不過唔好忘記上個月中舉行嘅女子歐聯決賽係由法蘭克福擊敗聖日耳門奪得，嚟到女子世界盃嘅8強再對多次應該冇乜分別。（周五1，香港時間周六4:00am開賽）

唔少有份幫法蘭克福捧走女子歐聯冠軍嘅成員都有份入選德國女足，絕對有稱霸歐洲嘅能力，不過法國女足有冇歐聯亞軍嘅實力就好成疑問，事關聖日耳門唔似得法蘭克福咁重用本土球員，有多達半隊都係外援，換言之呢隊法國女足喺個別位置可能有得同德國女足鬥下，不過講過整體實力就肯定比較遜色嘞。
唔好忘記德國女足除咗用法蘭克福嘅成員做骨幹之餘，另外安插入去嘅門將安格拿、目前以5個入波領先射手榜嘅梅亭都有一線實力，令到呢隊德國女足嘅實力更加完整，難得遇到強手有番一定分頭，可以繼續博佢哋贏波贏盤開出讓主。