阿根廷難奏凱“哥”

  阿根廷難奏凱“哥”

    美洲盃明早繼續有激烈之戰，阿根廷火併哥倫比亞，兩支南美勁旅祇能活一隊，預料場上形勢風雲驟變。

    由美斯領銜嘅阿根廷鋒線，被譽為今屆美洲盃最強火力，但分組賽表現未盡人意，並未發揮出鋒利之處。至於有J洛迪古斯、法卡奧及巴卡嘅哥倫比亞同樣不遑多讓，可惜出現同一毛病，都係未能踢出最佳水準，但強者對碰，隨時爆出驚人威力，始終又係嗰句，勝負要睇臨場發揮。初盤阿根廷讓半球，既然今屆南美盃開下盤爆到七彩，哥倫比亞的確有力與阿根廷一決高下，不妨捧受讓嘅哥倫比亞至少九十分鐘內“廷”得住。

    阿根廷在三場分組賽表現的而且確在水準之下，可能真係一山不能藏二虎，何況陣中有幾頭猛虎，幾位頂級球星似乎各自為政，相信係球隊最大弊病。相反，哥倫比亞整體較為齊心，擊敗巴西一戰，反映出球員衆志成城，亦證明對住強隊，拼勁及鬥心都能大大提升。今仗一場過淘汰制，哥倫比亞必會誓死一拼，令阿根廷將會遇上驚險一戰，呢關肯定唔易過。

    推介：和波1:1