富明尼斯「邦」到你手

富明尼斯「邦」到你手
 
明早除咗美洲盃仲有場巴甲，當中富明尼斯雖缺幾員主力，但主場賽績的確唔錯，對住邦迪比達有力全取3分，初盤讓球讓平、半盤放心捧場。（周三8，足智彩周四6:30am網上文字直播）

巴西喺世青盃殺到入決賽，雖然加時輸咗俾塞爾維亞，但整體表現備受好評，當中一對後防主力，包括門將馬高斯菲獵比，以及後衛馬龍，都係富明尼斯球員，咁當然巴西解散後都未有幾日，呢對防線主力未有咁快會返到球會上陣；好在，上述兩人都唔係必然正選，而富軍最勁係佢哋主場賽績，近10戰得7勝3和未嘗一敗，完全係傳統美洲主強客弱球隊，讓平半信得過。
相對上，邦迪比達雖然7戰不敗，但球隊之前僅贏查比高恩斯等對手，近2周更有回落跡象，連和山度士以及戈亞斯，證明佢哋不敗走勢已接近告終；最後翻查對賽往績，邦軍近6次出訪富明尼斯得3和3負完全冇優可言，相信難破宿命。