洛杉磯銀河夠好「波」

洛杉磯銀河夠好「波」

同日美職快車亦有全西岸比賽由洛杉磯銀河對住波特蘭伐木者。作為衛冕冠軍，銀河到近期先似番隊冠軍，球隊近周接連大炒伊利特同費城聯，加埋仲入咗11球之多，火力夠晒驚人。

巴治奧胡斯迪、祖連奴同薩迪斯等主力腳風都順到不得了，最重要梗係羅比堅尼踢完國際賽正式歸隊，今場留守主場出擊有力再下一城。波特蘭伐木者近況都唔差架，聯賽4連勝，但要注意對手只係急流、革命同侯斯頓之流，睇埋佢哋再早啲時候作客連輸過俾侯斯頓同多倫多，似乎客場能力都係麻麻哋，造訪洛杉磯好難有甜頭。（周三16，香港時間周四11:00am開賽）
較早時間費城聯主場對西雅圖海灣者。費城聯近排接連輸波仲被大炒，但海灣者今周都有馬田斯受傷同丹普西坐波監，冇咗兩大主力造訪費城冇晒優勢，兩軍各無把握贏波，捧和局或者會有意外收穫。（周三9，香港時間周四7:00am開賽）