哥倫布機員起「革命」

哥倫布機員起「革命」

美職周中加開快車，其中東岸有場大戰由哥倫布機員主場對新英倫革命。講真機員近績幾令人唔開胃，近7場正式比賽僅1勝，但呢場勝仗正正係上場美聯盃大勝列治文踢球者，雖然對手唔算強，但對機員球員信心肯定有幫助，今次返主場出再出，陣容上就僅得韋爾查普缺陣，絕對值得睇好。至於革命排名高過機員，但佢哋有個致命弱點就係客場成績唔得，近3場比賽全敗失咗8球，加埋達路斯班尼斯同鍾斯2位主力都有傷唔可以隨隊出訪哥倫布，主隊讓平半好合理。（周三11，香港時間周四7:30am開賽）

另一場東岸大戰FC多倫多會對蒙特利爾衝擊。呢場波形勢同上文有啲似，事關客軍衝擊作客能力好弱，近10戰僅1勝輸6場，逢佢哋作客都係捧對家有着數；至於多倫多聯賽曾3連勝，到上場輸俾紐約城依家肯定一肚氣，搵衝擊出氣就最啱數。（周三14，香港時間周四8:00am開賽）