烏拉圭要“智”取

烏拉圭要“智”取

    美洲盃八強明早開始廝殺，主辦國智利率先登場，坐擁主場迎戰烏拉圭，智利雖有天時地利人和，但過往與烏拉圭交手，雙方都冇較大優勢，無論球員級數、整體踢法及球隊結構，基本屬於半斤八両，今仗兩雄相遇，鹿死誰手確要打過先知。初盤智利讓半球／一球，似乎太過睇高東道主，除有主場之利外，根本冇其他着數之處，不妨考慮未打先贏盤嘅烏拉圭。

    智利在分組賽共攻入十球，攻擊力係各隊之冠，但考慮到三場對手都係防守力度不足球隊，且殺傷力有限，所以由維達爾與山齊士領導嘅中前場，亦有足夠發揮能力。今場對手烏拉圭，明顯比厄瓜多爾、墨西哥及玻利維亞較具實力，智利未必能夠佔據上風。

    少咗“咬人蘇”嘅烏拉圭火力的確削弱不少，卡雲尼始終未踢出最佳狀態。不過，依然極具威脅性，靴南迪斯亦有一定衝刺力，加上哥甸、彭利拿及干沙里斯等都身經百戰，踢重要戰役經驗十足，對住東道主智利，烏拉圭絕對冇話輸硬。

    推介：和波1:1