莫迪讓主實而不「華」

莫迪讓主實而不「華」

兩場挪超一定係以莫迪做過關主力，事關今季佢哋喺主場經歷6場聯賽贏過4次咁多，亦唔使怕早前嘅歐國盃外圍賽令到佢哋會唔齊腳，幾件挪威國腳好似龍門尼蘭特、後衛連尼斯，同埋維加特科倫都已經歸隊，唔好忘記中場星治、前鋒穆罕默艾爾尤諾斯、奧拿卡馬拉，同埋古白蘭辛都係邊緣國腳，換言之呢隊「挪威二隊」已經齊腳，唔會睇見排名麻麻就以為佢哋走緊下坡，對住實力唔錯嘅華拉倫加照樣成為大熱就證明到佢哋嘅實力不至於此。（周六13，香港時間周日0:00am開賽）
早場辛迪夫佐特迎戰利尼史特朗就比較難搞，始終主隊喺近7戰輸足6場咁多實在捧唔落手，問題係作客嘅利尼史特朗喺自己地頭就叻，不過喺近4場客場賽事只係贏過1次咁大把，擺明就係唔識作客，各有疑點跟挪超傳統捧「大」好過。（周六11，香港時間周六9:30pm開賽）