科羅拉多急流發「達」

科羅拉多急流發「達」
 
計西岸排名科羅拉多急流的確係及唔上FC達拉斯，不過揀邊一隊波唔可以淨係睇排名嘅，事實上急流起碼都識入波，唔似得FC達拉斯淨係識得恰弱旅，有埋主場撐腰話唔定會畀到大家驚喜喎！（周五4，香港時間周六9:00am開賽）

兩隊波剛剛都喺美聯盃大炒對手，主隊科羅拉多急流贏到科羅拉多泉坡路並唔出奇，不過連FC達拉斯都可以大炒奧克拉荷馬能量就有唔少疑點，事關唔計呢一場美聯盃嘅話，佢哋喺對上5輪美職只係入到1球咁大把，入波數字少得可憐，咁都可以喺美聯盃大捷，唔多唔少都係同對手太弱有關。睇番急流雖然冇乜成績，但係佢哋喺對上8場波起碼有6次能夠攻入對手，特別係中場新秀迪倫施拿並無入選到美洲金盃嘅大軍對佢哋嚟講反而係一件好事，大膽啲要埋主勝都冇壞。
早場挪超係人都知道奧特足球會有實力排喺中上游，不過要小心今季佢哋嘅進攻能力稍為退步，即使有力憑住地利贏到實力較弱嘅史達，恐怕都只係少勝開番個讓和。（周五1，香港時間周六1:00am開賽）