墨西哥穩“厄”勝券

墨西哥穩“厄”勝券

    美洲盃分組賽明晨展開A組最後一輪比賽，頭場由墨西哥對厄瓜多爾，墨西哥前兩輪比賽均與對手賽和，今場只要擊敗厄瓜多爾，就可殺入八強，爭勝決心大過天。

    墨西哥人腳雖非出衆，但前兩場都踢得有板有眼，尤其前鋒線，效力馬體會嘅占美尼斯與拍檔烏奧素威脅力唔差，對住兩場波共失五球嘅厄瓜多爾防線，墨西哥應該有所斬獲。

    兩戰兩敗，厄瓜多爾肯定無緣晉級，今戰只望踢場爭氣波，兩名效力英超球會嘅蒙迪路與E華倫西亞係球隊核心，但由於出線無望，亦可能會派出多名後備上陣，墨西哥始終勝算較高。初盤墨西哥讓平手／半球，捧墨西哥穩“厄”三分。

    尾場係東道主智利對玻利維亞，講人腳班底、對賽往績、再加天時地利人和，智利各方面都在對手之上，但考慮到和波，兩隊都可以攜手出線，唔排除智利會稍留實力打八強戰。但求一分嘅玻利維亞預料必會墨守成規，至少亦不會慘敗收場。初盤智利讓球半，必揀下盤玻利維亞。

    推介：墨西哥2:1厄瓜多爾；

     智利1:1玻利維亞。