費古倫斯平盤「際」貧 巴西出戰美洲國家盃慣常咁徵召唔少外流球員歸隊，不過對於部份巴甲球隊都有影響，好似國際體育會呢排都唔使預左閘謝法臣泰利斯份嘞，防線出現咗個咁大嘅漏洞，作客排名唔及佢哋嘅費古倫斯，只係開出平手盤就知道發生乜事啦。（周四4，香港時間周五8:00pm開賽） 換轉係歐洲一線勁旅，少咗幾個球員的確冇乜影響，問題係國體會呢類巴甲球會一定唔夠人用，無端端少件謝法臣泰利斯會令到防線穿窿。好衰唔衰對手費古倫斯今年喺巴省聯再加埋巴西盃同巴甲，主場足足有14戰都未輸過，仲試過擊敗高士路以及彭美拉斯，唔好睇少佢哋淨係識靠卡路士阿爾拔圖入波，事關上呢位攻中曾經亦係巴西國腳，所以排名低嘅費古倫斯返到自己地頭，只係開出平手盤已經露晒玄機，吼實平盤主勝頂多都係走盤。