意大利U21「瑞」涎三尺

意大利U21「瑞」涎三尺
 
根據歐洲足協嘅規定，只要球員喺1992年或之後出世就可以踢U21歐國盃，不過意大利U21竟然唔揀AC米蘭前鋒艾沙拉維同埋巴黎聖日耳門中場馬高華拉堤入隊，真係唔知話佢哋君子，定係唔重視呢項賽事好嘞！（周四1，香港時間周五0:00am開賽）
冇錯艾沙拉維同埋馬高華拉堤一早就已經係意大利嘅大國腳，不過以上兩位人兄都係喺1992年出世，換言之佢哋仲可以代表U21出征U21歐國盃，不過教頭、亦係前國腳嘅迪比亞治奧並冇揀佢哋入隊，再睇埋其他人選，得個巴勒莫射手比洛迪比較似樣，睇嚟呢隊「意粉軍團」並唔太重視呢項錦標咁喎。
不過唔重視同贏波係兩回事，今晚意大利U21喺B組首戰實力唔強嘅瑞典U21，就算幾唔重視都唔能夠排除佢哋唔識贏波。要留意嘅係，喺B組仲有隊大老虎英格蘭U21，若果「意粉軍團」首戰瑞典U21就要失分，嚟緊嘅賽事肯定會變得非常難踢，估計等緊轉去大會嘅比洛迪，甚至係爭緊正選嘅貝拿迪斯治都會趁住呢次機會搏上位，唔好話主勝，3.15倍讓主都好穩陣。