日本好「坡」大勝可期  雖然日本嘅世界排名已經跌到落52位，但係仲當佢哋係一隊亞洲球隊就大錯特錯，甚至當係一隊「德甲聯合軍」都唔過份，對番一隊正正式式嘅亞洲球隊新加坡有權贏波贏盤。（周二2，香港時間周二6:30pm開賽） 對住喺亞洲算係實力唔錯嘅伊拉克都可以贏4:0咁多，呢隊日本絕對有歐洲二線嘅實力，今次中前場仲專程揀咗唔少踢緊德甲嘅球星入隊，莫講話中場有香川真司同埋本田圭佑呢類亞洲一線球星，其餘嘅岡崎慎司同埋大迫勇也亦都喺德甲站穩陣腳，不過唔好以為淨係前面嘅人腳唔錯，後衛酒井高德、酒井宏樹、長友佑都，同埋龍門川島永嗣全部都喺晒度，用到「德甲聯合軍」莫講過要贏新加坡，贏埋盤都冇問題。