烏茲別克泰山「北」斗  據賽前報道所講，北韓嘅一班外流球星，好似喺水原藍翼前鋒鄭大世、朴光龍，同埋中場梁勇基呢幾個主力都未有歸隊，變相要起用番一班本土球員，難免會令到整體實力大減。（周二1，香港時間周二4:00pm開賽） 實在唔明白點解北韓嚟到世界盃外圍賽都可以唔揀外流球星入隊，不過正正就係因為呢份神秘感，令到佢哋喺上輪賽事可以擊敗也門，問題係今次嘅對手烏茲別克唔係一般嘅凡夫俗子，想再贏多場恐怕唔係咁易！可惜陣容不整嘅問題亦困擾住烏茲別克，好似隊長迪積佩洛夫唔喺陣中，好在中場阿美度夫、希達洛夫、後衛維達利丹尼素夫，同埋伊斯美洛夫個個都有能力喺國外搵食，一來一回應該可以少勝北韓攞晒3分。