牙買加大勇「拉」唔住

牙買加大勇「拉」唔住 
 
至於早場巴拉圭對牙買加；巴拉圭因應第一場對阿根廷有可觀進攻表現，今場一定成為熱門，不過要知道牙買加中後場有多名英超兵撐場，級數狀態都喺巴拉圭之上，呢場牙買加可唔可以喺進攻上有進步演出唔知，但肯定守得穩，所以受讓下絕對係買下盤良機。（周二4，now681台周三5:00am直播）

巴拉圭首戰爆冷迫和阿根廷，除咗係前線幾個大名氣球員功勞外，阿根廷防線大意都係原因之一，所以千萬唔好以佢哋咬得入阿根廷2球，就認定佢哋係賽事黑馬。事實上，對阿根廷一戰上半場幾個超級犯錯，已經睇到呢隊巴拉圭幾有問題，雖然牙買加進攻上可能差啲人才，不過守得穩下幾個反擊絕對可以有意料之外嘅收獲。
牙買加首戰僅1球不敵烏拉圭，而且呢場唯一入球，都係一個門前混戰取得，整體上牙買加防線全場冇犯過錯，而睇番佢哋陣容，韋斯摩根同埋馬里阿柏，都係來自英超球會，而且本身喺隊中都係主力成員，防守上級數牙買加可能喺今次美洲盃已經排第6、7，所以只要今場前線生性少少，靠一兩個反擊，真係贏埋都唔出奇。