加拿大女足「蘭」失分

加拿大女足「蘭」失分
 
主辦國加拿大女足目前喺A組手握4分做緊榜首，不過又唔使懷疑純粹係因為地利因素令到球隊有咁好表現，事實上佢哋近年的確係有好大進步，分組尾輪賽事唔會怕新丁荷蘭女足。（周一5，香港時間周二7:30am開賽）

荷蘭嘅男子隊當然勁啦，不過初次喺女子世界盃亮相嘅荷蘭女足就差得遠嘞，喺分組首戰贏到新西蘭女足純粹係因為大人恰細路，上輪以熱門身份不敵冒起緊嘅中國女足就證明到佢哋係得咁多料到，最多都係爭吓第3，睇吓有冇機會以最佳第三名嘅身份晉身淘汰賽。至於加拿大男足唔掂，反而女足就幾有睇頭喎，事實上由佢哋首戰少勝中國女足，打後和到新西蘭女足就睇得出佢哋近年嘅進步好大，好明顯係喺申辦女子世界盃成功之後專登培育一班女球員，尤其係重點訓練嘅主力史佳雅代表國家隊超過200次咁多，夠晒國際賽經驗去恰新丁荷蘭女足有突。